আহইবো আকদিন আমাৰ গাৱোক

আহইবো একদিন আমাৰ গাৱোক
ফুৰাম আপুনাক চাইকেলত তুলি গাঁওখান
আগফালৰ ধামত বহি যাবো আপুনি
কেৰিয়াৰখান অলপ ভাঙা¸
হাফ পেডেল মাৰিম কাচা ৰাস্তাত
ভয় নাখাবো
ফেলে নেদু আপুনাক
অভ্যাখ আছে চকুমুজি চাইকেল চলাৱা
কেমান চাল-চামৰা গেল আজিকগেলি
হিচাব নাই
হাফ-পেডেল মাৰি শিখাঙতে শিখাঙতে
ভৰিৰ নখ বেল্টি গেচিল আকবাৰ
চিন্তা নোকোৰবো
এথিয়ান নেফেলাং…

আমাৰ গাঁওক আহইবো আকদিন
ফুৰাম গাঁওখান,

মাছে মাংচই খুৱাম আপুনাক
বাজাৰোৰ পেৰে কিনি আনিম আখেৰ লাড়ু
চাহোৰ লোগোত দিম ভকাপিঠা,
চতালোত চৰি থাকা হাঁহতো মাৰি খুৱাম
চালৰ বকা-কুমুৰাটোৰ লোগোত
আমাৰ মাই বৈদ্দ সদকে বানায় জানেনা
চোবে জিভা চেল্কি খাই
ঔটেঙা ৰৌমাছে ৰান্ধবো মাই
পিৰাত বহি খাবো আপুনি,

ভাঠিবেলা চাবা লৈ যাম বিলোৰ পাৰোক
লাল হৈ যাৱা সুয্যতো বিলোতে ডুব যাৱা হান লাগে

আকদিন পুৱাই আহইবো আপুনি
চিন্তা নাই একো
কমিনিকিচন ভাল হল বৈদ্দ
আজিকালি দহবাৰ আহা-যাৱা কোৰবা পাৰি

বিৰিজখান পালিয়ে নামি দিবো আপুনি
চকোত কাবাক সুধলিয়ে দেখে দিবো ঘৰটো
চিন্তা নোকোৰবো
আগোতে খবৰ দিলি আমবা যাম আপুনাক আগবাৰে

বৈহান দিলিও চিন্তা নাই
পিয়াক নহয় আজিকালি
ৰাস্তাতো পাকা হল
কাপুৰৰ পাচফালে নুতুলে ফুল

আপুনি বহাগত আহইলি দেখাবা পাল্লু হৈ দধিমঠা
শাত শেকিৰ দিনা পথাৰোত মালা দিয়া সোৰি…

আহইবো আকদিন আমাৰ গাৱোক
মাহাৰাজ পিতাৰ কাহিনী কম আপুনাক
মৰাঙতে শৰীলতো মাটি হৈ গেচিল ঋষিতোৰ

কলহী নদীত আজিকালি শিহু নলায়
হোলিয়ে দেখাম নদীখান
লৈ যাম মাই চণ্ডিকাৰ ঠানোক সেৱা কোৰবা
দক্ষিণ কামৰূপৰ ফেমাচ কামাখ্যা

আপুনি জানেনা
আমাৰ চখানোত ইচমিতি চিহ্ন এটা আছে
বহুত বছৰ আগোতে হোচিল ঘটনাতো
মোই বুলে জন্মাই নাচিলু¸
এখান ঘোৰোৰে ষল্লওটাকে মোচ্চিল মাহনু
দৰ্খন কোৰবা গেচিত বৰদৱা
পচপন্নখান চিতা জোলচিল আকেলগে
বৰ দুখ লাগে ভাবলি…
এথিয়ান অখ ইস্তম্ভ এটা আছে

আপুনি বয়া পাবো নেকি যাবা?

গোধুলা নামঘোৰোত ডামা কুবাঙতে
আমি মুৰ দুৱাং
খেতি আজিকালি অবশ্যে কোমিল
চোলিমাখা চহৰমুখী হলনা…

আহইবো আকদিন আমাৰ গাৱোক
ফুৰাম গাওখান।