ভাৰ্চুৱেল পৃথিবী

অকলে থকা বৰিং টাইমখিনিত মোবাইলটোৱে সংগী আজিকালি। জয় হৌ আম্বানী বাবা। আজিকালি ব’ৰ হৈ নাথাকোওৱেই বেং। দহ টকাত দেইলী টেন জিবি¸ ইউ টিউব ভিডিঅ’ চাট ভিডিঅ’কল ফ্ৰী। মজা মজা। এনীহোৱেৰ এনিটাইম¸ কৰলো দুনিয়া মুঠ্ঠি মে।
ডক্টৰ চেম্বাৰত আহিছিলো। এপাল মানুহৰ পিছত মোৰ নম্বৰ। নো টেনচন ফেচবুক আছেতো¸ নহলে গেম। চাল্লা চাৰ্জ নাথাকিলেহে অলপ টেনচন থাকে। বাহিৰত ফাষ্টফুড খাই খাই অভাৰ গেচট্ৰিক। আজিকালি ভোকেই নালাগে। এচিডিটি হৈ বমিও কৰিছিলো কালি।।লুভীয়া মনটোৱে নামানেই নহয়। চাওমিনৰ সুস্বাদু গোন্ধতো নাকত লাগিলেই ভোক লাগি যায়। ঘৰততো কবই নালাগে দো মিনিটৱালা নুডলচ আছেই।
কিছুদিনৰ পৰা গাটো অলপ বেয়া লাগি থাকে। লিভাৰ ফাংচন টেষ্টৰ ৰিপৰ্টটো লৈ সোমাই গলো। ইটো নাখাবা সিটো নাখাবাৰ দীঘলীয়া ভাষণ এটা দি পঠিয়াই দিলে ডক্টৰে। চাল্লা ছমাহলৈ মাংস নোখেৱাকৈ কেনেকৈ থাকিম ৰে। ভাবি নাপাও শকত বাবেই¸ প্ৰতিবাৰেই ডক্টৰে মদ¸ভাং খোৱাৰ কথা কিয় সোধে। কাষলৈকো নাযাও দেখোন।

: ভাৰ্চুৱেল পৃথিবীৰ নহয় ৰিয়েল পৃথিবীৰ প্ৰডাক্ট মই। আই এম ফ্ৰম আউট অফ স্পেচ অৰ আউট অফ টাইম। হা: হা: আই এম চো কলড এ বৰিং ইমোচনেল ফুল!- দুয়োহাত আকাশৰ ফালে প্ৰসাৰিত কৰি এভাৰেষ্টৰ চুড়াত থিয় হৈ চিঞৰি কব মন যায় গোটেই পৃথিবীয়ে শুনাকৈ।
: আস যেতিয়া কান্দিব মন যায়¸ তোমালোকে কি কৰা? মই টিভি চাও¸ চিঞৰি চিঞৰি গান গাও। জোৰকৈ চকুদুটা মুদি দিউ। - মনৰ ভাববোৰ টাইপ কৰি আকৌ ৰিমোভ কৰো। কিপেইডত আঙুলিটোৱে টাইপ ৰিমোভৰ খেল খেলি থাকে।
ধেৎ চাল্লা আনৰ আগত চব উদঙাই দিব নোৱাৰিতো।
চাল্লা চকুপানী কেনেকৈ ওলাবি! লাজ লাগে বে¸ চলচলীয়া চকুৰে কেনেকৈ ওলাম
আনৰ আগত। লৰা মানুহে কান্দে নেকি! বিলৰ পাৰৰ মুকলি পথাৰখনলৈ গৈ বুকু ভাঙি যোৱাকৈ ফেকুৰীব মন যায়। চাল্লা শান্তি নাই কতো।
: বাবা¸ কত? কি কৰি আছ তই? কলৈ যাবি? - অনবৰতে চকুৰ সমুখতে ৰাখিব খোজে। নিজস্ব সময় নাপাৱেই।
বহুদিন কন্দা নাই। বুকুখন গধুৰ গধুৰ লাগি আছে। ৰাতি গাৰুত মুখখন গুজি কান্দিলেও দেখোন আমেজ পোৱা নাই। ভয় ভয় লাগিয়ে থাকে কোনোবাই শুনেই নেকি!
: ৰাতি তোৰ টোপনি ভাল নহল নেকি? - উখহি উঠা চকুহাল লুকুৱাব নোৱাৰো। অনিশ্চাস্বত্বেও এটা মিছা লুকুৱাবলৈ কও আন এটা মিছা।

: তুমি ভাবিছিলানে প্ৰথম প্ৰশ্নটো ৰিয়াণ্ডাই কৰিব বুলি? - মোৰ প্ৰিয় গোটটোৰ জেষ্ঠ তথা সক্ৰিয় সদষ্যৰ লাইভ অনলাইন ইন্টাৰভিউ চলি আছিল। আচলতে ফেবু গোট নকৈ ফেমেলি কলেহে ভাল লাগে। এ ভাৰ্চুৱেল ফেমিলি।
: প্ৰথম প্ৰশ্নটো কৰিবলৈ কিমান সময় খাপ পিটি বহি থাকিলো মইহে জানো। - হাঁহি হাঁহি কৈ উঠিল ৰিয়ানদাই।
: কেতিয়াও ভৱা নাছিলোঁ প্ৰভু। মেথাই কামেই কৰা নাই দুপৰীয়া পৰা। মেট্ৰিক পৰীক্ষা টাইপ ফীলিং। কৃষ্ণ। - হাঁহি হাঁহি উত্তৰ দিয়ে নয়নদাই। তেওৰ লাইভ ইন্টাৰভিউ আজি ফেচবুকৰ গোটটোত। যিটো গোটৰ তেয়ো এজন এডমিন। হাঁহি উঠে মোৰ। ভাৰ্চুৱেল পৃথিবীৰ ইমান আন্তৰিকতাত মুগ্ধ হও। চেংদা¸ মমবা¸ ডিম্পীবা¸ বিদ্যুৎদা¸ ৰাভুবা¸ পাৰভিচবা¸ অমৃতা¸ পুলকিতা¸ ৰাজশ্ৰী¸ ডলীবা¸ বিদিশাবা¸ জিতু¸ মাতালু¸ কিমানৰ নাম লম। সৰহ সংখ্যক লোককে স্বচক্ষু দেখা নাই মই। আনকি ফোনতো কথা পতা নাই। অথচ কিমান আন্তৰিকতা। আজি বহাগৰ প্ৰথম দিন। সন্ধিয়া অলপ ওলাই যোৱাৰ কথা আছিল। স্হানীয় বিহুতলীত মুকলি বিহু হোৱাৰ কথা আছিল। সচা কবলৈ গলে বিহুত হুচৰী বিহুগীতৰ বাবে আন ৰস লবলৈ মন নাযায় মোৰ। বাকী প্ৰোগামবোৰ দেখোন চায়েই থাকো টিভিত। কিন্তু বতৰটো অলপ গোমা সন্ধিয়াৰে পৰা। ধুমুহা বৰষুণত অনুষ্ঠান বাতিল। চেগা-চোৰোগাকৈ ফেবুত আছিলোৱেই। মৰমৰ গোটৰ লাইভ পঢ়ি আছো এতিয়া। হাঁহি উঠিছো¸ ভালো লাগিছো। বিহু হুচৰী চাব নোপোৱাৰ দুখটো যেন ক্ৰমশ: পাহৰি আহিছো। আঠ বাজিছে। ফোনৰ স্ক্ৰীণত এটা এটাকৈ প্ৰশ্নবোৰ জিলিকি উঠিছে।

: নমস্কাৰ আৰু বহাগ বিহুৰ ওলগ জনালো নন দা। মোৰ প্ৰশ্ন কেইটা হৈছে-
নমস্কাৰ দেই। আপোনালৈও থাকিল বহাগৰ ওলগ। টাইপ কৰি তেও। এডমিন হিচাপে নিজকে সফল বুলি নাভাবে তেও। আগতে এডমিন হোৱাটো এনেই ধেমালি বুলিহে ভাবিছিল। কিন্তু লাহে লাহে বুজি পালে এইটো ইমানো সাধাৰণ কাম নহয়। যিহেতু এডমিনৰ কামটো বাকী দৈনন্দিন কামৰ মাজত সময় উলিয়াই হে কৰিব লাগে মাজে মাজে অনুভৱ হয় যেন সি পয্যাপ্ত পৰিমানে সময় দিব পৰা নাই বা অংশগ্ৰহন কৰিব পৰা নাই। আগলৈ আৰু অধিক সময় দিবলে চেষ্টা কৰিম।- ননদাৰ প্ৰতিশ্ৰুতি।

আপোনাৰ অসমত থাকি ভাল লাগেনে ..... নে অসমৰ বাহিৰত থাকি ভাল লাগে .। - নষ্টালজিক হৈ পৰে চাগে ননদা।
যদিও নবছৰ অসমৰ বাহিৰত থাকিল তথাপি তেও সদায় নিজৰ গাঁও খনৰে লৰা। গাওৰ বোকামাটিৰ সুবাস সদায়েই প্ৰিয়। আপোন আমাটিৰ গোন্ধেই সুকীয়া। নিজৰ মানুহখিনিৰ লগত থকাৰ সমান সুখ পৃথিৱীৰ আৰু কতো বিচাৰি পোৱা নাযায়।

: আৎসা নন'। এটা কথা কোৱাছোন যে ফেচবুকত ইমান গাল ধুনীয়া আপীয়ে ঘেৰি থকা স্বত্বেও তুমি ইমান দিন বৰলা হৈ কেনেকৈ আছিলা ? তোমাক পাত্তা দিয়া নাছিল নে তুমি পাত্তা দিয়া নাছিলা ? পিপল ৱান্টচ টু নৌ। - হা হা কৈ হাঁহি দিলো মই। চাগে ননদাৰো হাঁহি উঠিছে। এইটো সৌগতদা¸ বিৰাট জমনি মানুহ। যথেষ্ট উচ্চশিক্ষিত মানুহটোৰ ভেম অলপো নাই।
: কিছুমানক মই পাত্তা দিয়া নাছিলোঁ আৰু কিছুমানে মোক পাত্তা দিয়া নাছিল। এতিয়া কিমানজনী বুলি নুসুধিব আকৌ, এইবোৰ হিচাব ৰাখি থোৱা বস্তু নহয়।আৰু বৰলা হৈ থকাৰ ৰহস্যটো ইয়াত ফাদিল কৰি দিলে শেষেই আৰু। - মজা মজা। সুন্দৰ লিখিছে ননদাই।

চাগে প্ৰেমিকাৰ লিষ্ট খন বৰ দীঘল হয় সকলোৰে। কিছুমানৰ লগত একপক্ষীয় আছিল মোৰো। যাক পচন্দ কৰিছিল¸ সিহতে পচন্দ কৰা নাছিল আৰু যিবোৰে পচন্দ কৰিছিল¸ মই পচন্দ কৰা নাছিলো। প্ৰেম মোৰ বাবে পুজা। তথাকথিত প্ৰেমৰ পক্ষপাতী নহয় মই। হয়তো ফ্লাৰ্ট কৰো কিন্তু ফ্ৰড নহও। কাৰোবাক প্ৰতাৰণা কৰা আৰু হত্যাকৰা একেই বুলি ভাবো। সেয়ে প্ৰতাৰিত হও।
ননদাৰ কমেন্ট চালো। তেওৰ মতে কাৰোবাক ভাললগা কেইজনীও প্ৰেম। সেইকেইজনীও তেওৰ প্ৰেমিকা উদাহৰণ স্বৰূপে Deepika Padukone হেনো আলটিমেট কলিজা তেওৰ। - হা হাকৈ হাঁহি দিলো। ওচৰৰ ৰুমত থকা মায়ে সুধিলে কিয় হাঁহিছো ইমানকৈ! কি কম!

সপোন বহুতেই আছিল। যিবোৰ আৰু কাহানিও নহব। ননদাৰ দৰে মই জীৱনত ওপৰলৈ যাব খোজো। মোৰ মা দেউতাই মোৰ কাৰণে যিমান খিনি ত্যাগ আৰু কষ্ট কৰিছে সিমানখিনি যাতে মই পিছলৈ মোৰ লৰা ছোৱালীৰ কাৰণে কৰিব নালাগে। আৰু দ্বিতীয়তে মোৰ মাঁ দেউতা। তেওঁলোকক সুখত ৰখাটো আৰু যাতে মোৰ কোনোধৰনৰ কামেই তেওঁলোকৰ মনত কষ্ট নিদিয়ে তাৰ প্ৰতি চকু ৰাখো মই।

জীৱন বুলি কলে মই মাথোঁ খাই বৈ জীয়াই থকাটোকেই নুবুজো। তেনেকে মই কেতিয়াও সুখী হব নোৱাৰিম। মৰাৰ আগতে নিজে ভালপোৱা গোটেইখিনি কাম কৰি লৈহে মৰিবলৈ ভাল পাম। জীয়াই থকাটোৱেই জীৱন নহয়, জীৱনৰ প্ৰতিটো দিনেই উপভোগ কৰিব খোজো।

নমস্কাৰ ননদা¸ পোনপ্ৰথমে বিহুৰ শুভেচ্ছা দি আজিৰ অনুষ্ঠানলৈ স্বাগতম জনাইছো। - মেচেজ টাইপ কৰিলো। প্ৰায় ৩০ টা প্ৰশ্ন ৰেডী কৰিছিলো¸ তাৰ মাজৰ পৰা এইকেইটা দিলো। মই চিওৰ চকু কপালত উঠিছে ননদাৰ। চাগে ভাবিছে এইটু কি খতৰনাক জিনিচ। প্ৰশ্নৰ যেন বৰষুণ আহিছে ষ্টেটাছটোত।

: এইখন মহাভাৰত দেখোন একেবাৰে। এমাহ লাগিব ভালকে উত্তৰ দিবলৈ। দাত নিকটাই থকা স্মাইলী পাচটা দিলে তেও।

মৰম আচলতে নদী নহয়। আমি মানুহবোৰহে নদীৰ দৰে। মৰমবোৰ সদায় তাতেই থাকে একে ঠাইতে, আমি মানুহবোৰহে আঁতৰি আহোঁ কেতিয়াবা মৰমক বহুত দূৰত এৰি থৈ। - ভাল লাগে ননদাৰ দৃষ্টিভংগী।

এই হেণ্ডচাম ল'ৰাটোৰ ফালৰ পৰা, আপোনালৈ ৰঙালী বিহুৰ ওলগ জনালো।- ধেমেলীয়া জিতুৰ কমেন্ট এয়া। সকলোৰে মৰমৰ বেঙেনা সি ভাৰ্চুৱেল দুনীয়াখনত।

আশাবাই ননদাক ননভায়া মাতে। মই মম্পীবাৰ মমবা¸ আধুনিকাক আধুনিক কাল…
এই যে আমি এখন ভাৰ্চুৱেল দুনীয়াত কিছু সম্পৰ্ক বনাই লওঁ , ধৰা তোমাক মই নেদেখাকৈয়ে ভায়া বুলি মাতো বা ভাবো , এই বোৰ সম্পৰ্কৰ মূল্য প্ৰকৃততে কিমান গভীৰ ! - আশাবাই সুধিছিল।
অচিনাকী হলেও আপোনত্ব বিলাক ভাল লাগে। আজিকালি আমি বেছিভাগ সময় এই ভাৰ্ছুৱেল পৃথিৱী খনতে কটাও সেইকাৰনে এই সম্পৰ্কবোৰ অতিকে প্ৰয়োজনীয়। মাথো প্ৰয়োজন শালীনতা আৰু বিনম্ৰতা! যিকোনো সম্পৰ্ক এটা টিকি থাকিবলৈ হলে দুইটা কথাই দৰকাৰী। অশালীন ব্যৱহাৰে কেতিয়াও সম্পৰ্ক এটা ধৰি ৰাখিব নোৱাৰে।
বহু মানুহ একে লগে থাকিলেও সিহত সুখি নহবও পাৰে
আৰু বহু মানুহ বহু দুৰে দুৰে থাকিও সিহত সুখি হব পাৰে ।
নিজেই অনুভৱ কৰিছো। দেখিছো বহুতো সম্পৰ্ক অকালতে মৰহি যোৱা নানান কাৰণত। সম্পৰ্কবোৰ বৰ ঠুনুকা। অন্তৰৰ গভীৰতাৰ পৰা সম্পৰ্কটোৰ প্রতি শ্ৰদ্ধা আৰু আবেগ থাকিলেহে ই পূৰ্ণতা পায়।
জীৱন দুদিনীয়া। জীৱনত সঠিক ভাবে আগুৱাই যাবলে লাগিব দৃঢ় সংকল্প আৰু আপোনজনৰ সহায় সহযোগ।
বয়স ত্ৰিশ হল। লগৰ দুজনমানে সংসাৰত সোমোৱাৰ পিছত যতেই যাও খালি বিয়াৰে কতা। হেৰৌ বিবাহ বাদ দি একোৱেই নাই নি আৰু সুধিবলৈ? কামোৰ পাও কেতিয়াবা। দেখাত হৃষ্টপুষ্ট হলো বুলিয়েই¸ গালত মিহি ডাড়ি থাকিল বুলিয়েই বুঢ়া হৈ যোৱা নাইতো! পৃথিৱীত মইয়ে অকলে বিয়া নপটাকৈ আছো যেন অনুভৱ হয় মানুহবোৰৰ প্ৰশ্নবোৰত।

আনিছ কাইদেউ মানুহতো বৰ ৰসাল। লাইফ মে জো হোনা হে হোগা¸ বছ বিন্দাছ ৰহো¸ জিন্দা দিল। এয়াই আনিছ কাইদেউ। ফেবুৰ নিজে লোৱা নাম ৰিয়ান ৰাগিনী। তেওৰ জীৱনৰ এটা পাহৰিব নোৱাৰা অধ্যায় সেই কাহিনী। সোধা নাই কোনোদিন। কিছুমান স্মৃতি নিজৰ বাবে বৰ আপুৰুগীয়া। Liability, Loyalty, Love and Laughter খোজে প্ৰতি অনুসৰণ কৰে কৰে। চিৰ তৰুণ উজ্জীবিত মন তেওৰ। মোৰ মনটোও চিৰসেউজ চাগে। এতিয়াও চোন শিশু হৈ থাকিব মন যায়। মাজে মাজে অলপ ফটুৱামি¸ পাগলামি¸ দুষ্টামি কৰিব মন যায়…

কেতিয়াবা খং উঠে। চাল্লা হাৰামজাদা লাইফ মোৰ। সাধাৰণ শিক্ষা মোৰ। টকা¸ টকা… মাথো টকাৰ বাবে হোৱা চাকৰিটো নহল। ডাঙৰ মানুহ হোৱাৰ সপোনটো চাল্লা কোনোমতে দুবেলা দুমুঠি খাব পোৱা আশালৈ ৰূপান্তৰিত হল। পৰজনম চৰজনম বিশ্বাস নকৰো। তথাপি চিল্লাব মন যায়¸ যোৱা জন্মৰ পাপৰ ফল নেকি এয়া! চাল্লা অকণমান টকাও যদি থাকিলহেতেন চাগে জীবনৰ গতিপথেই সলনি হলহেতেন।

মানুহজন ডাঙৰ সাহিত্যিক। অশ্লীলতাৰ উপাসক জনৰ উপৰত খং উঠিছিল। ক্ষোভ উজাৰিছিলো নিজৰ এফবি ৱালত। লাখটকীয়া আইফোন হওক বা মোৰ আঠহেজাৰটকীয়া ইনটেক্স স্মাৰ্টফোন¸ এফবি ত সমানেই। চাল্লা মুখা খুলি দিব মন গৈছিল।
: নীলা শিয়াল মুৰ্দাবাদ। - চিঞৰি দিছিলো। একোৱেইতো কৰিব নোৱাৰো।
: আপোনাৰ দৰে ভাৰ্চুৱেল পৃথিবীৰ প্ৰডাক্ট নহয়। আপুনি সমাজৰ চকীদাৰী কৰিছে ভাল কথা। মহান সাহিত্যিক গৰাকীৰ উদ্দেশ্য বুজি পাবলৈ বহুযুগ লাগিব আপোনাৰ।- এগৰাকী সমৰ্থকে উভতি ধৰিছিল মোক।- দপকৈ খঙতো উঠি আহিছিল। এনেয়েও চাগে অন্যায় বিৰুদ্ধে মই উগ্ৰ।
: যদি ইমানেই মহান¸ আপোনাৰ চৰ্দাৰ ইমানেই মহান যদি কাপোৰ খুলি ঘুৰি নুফুৰে কিয়? আপোনালোকেও আদৰ্শ লওক। আৰু মই চকীদাৰ নহয়¸ ঝাৰুদাৰহে চাফা কৰিব মন যায়। অন্যায়ৰ বিৰুদ্ধ গোজৰণি দিয়া বাঘ বুলিও কব পাৰে। - হয়তো খঙতো বেছিকৈ উঠিছিল। ভয়তেই নে কিহতেই সেইজন তাপ মাৰিছিল নাজানো। মামুলী মানুহ¸ মুখেৰে কোৱাৰ বাহিৰে ঘন্টা কি কৰিব পাৰো আমি!

ৰিয়ান ককাইদেৱে মাজেমাজে ফোন কৰে। ভুলবোৰ আঙুলিয়াই উপদেশ দিয়ে। ভাল লাগে মোৰ। সুখী হও।
: তুমি মোক ককাইদেউ বুলি মাতিবা। - মোৰ দৰে একেই ইমোচনেল ফুল ককাইদেৱে কৈছিল এদিন। ৱী আৰ ব্ৰাডাৰ ফ্ৰম এনাডাৰ মাডাৰ। অটোমেটিকেলি প্ৰাপ্তিৰ হাঁহি এটা ফুটি উঠে মুখত।
: কাব্য আজি তোমাৰ ইন্টাৰভিউ লম। - চেংদা¸ ননদা¸ সৌগতদাৰ পৰামৰ্শৰে অনলাইন ইন্টাৰভিউ লৈ পেলালো কাব্যৰ। নিজৰ প্ৰোগামত সদায় আনক গেষ্ট কৰা লৰাটো গেষ্ট হৈ চাগে নিশ্চয় সুখী। চুপাৰহিট শ্বো মোৰ। আৰু কি লাগে! মৰমবোৰ সদায় এনেকৈয়ে ৰওক।
নিজে কি লিখো আজিলৈ ভবা নাই। বানান প্ৰায়েই ভুল। ’ফেচবুক আমাৰ কামৰ মাধ্যম’ নীলা শিয়ালৰ এই বাক্যশাৰী ভাল লাগে। মোৰ চৰ্চাৰ মাধ্যম। যতে যি পাও ভালবোৰ বুটলি লব লাগে। সেয়েহে বজৰংগী ভাই
আৰু জয় অগ্নোহোত্ৰী মোৰ প্ৰিয়!
: ধন্যবাদ নিদিবা¸ তিনিজনক সহায় কৰা বিনিময়ত। - কাৰোবাক কব খুজিও লাজ লাগে। জানো কাৰোবাক নিশ্বাৰ্থ ভালপোৱাৰ মানসিক তৃপ্তি কিমান। মৰম দিবহে জানো লবতো নাজানো!
পুলকিতাই ককাই বুলি মাতিলেই ভন্টি যেন লাগে তাইক। বিজিত খুড়া আৰু কৌশিককো লাগে যেন বহুদিনৰ চিনাকী।
: ৩০ তাৰিখে লগ হম দেই। - এপাল স্বপ্নাতুৰক লগপোৱাৰ মোৰ তীব্ৰ হাবিয়াস।
: তুমি সদায় যেন এনেকেয়ৈ লিখি যোৱা। মোৰ শুভেচ্ছা সদায়েই আছে!
: কোনেও নপঢ়িলেও মই সদায় পঢ়িম। - অমৃতা আৰু কৰবীৰ সৰু মেচেজবোৰে উৎসাহিত কৰে। মন যায় এই বাটেৰে আগুৱাই যাম। নিশ্ব: লেখকৰ আছেইনো কি! সময় বালিত মাথো এটা খোজ এৰি যাবৰ মন।
আচলতে ভাৰ্চুৱেল বুলি একো নাই। প্ৰয়োজন সচা আন্তৰিকতা!!